Cynlluniwyd The Ham, Llanilltud Fawr, eiddo'r teulu Nicholl, gan y pensaer Matthew Digby Wyatt. Roedd yn cynnwys llawer o ddarnau nodedig o ddodrefn, i’w gweld yn y casgliad o ffotograffau a dynnwyd ym 1912.
Yn ddiweddarach rhoddwyd y tŷ ar brydles i’r teulu Williams o Dresimwn ac ym 1919 fe’i gwerthwyd i’r perchennog llongau Lewis Robert Turnbull o Benarth.
Yn ystod yr Ail Ryfel Byd, meddianwyd y tŷ, ac wrth iddo sefyll yn wag ar ôl diwedd y rhyfel cafodd ei losgi’n ulw ym 1947.