Llyfr emynau a gomisiynwyd a chyhoeddwyd gan William Hughes, African Training Institute ym Mae Colwyn. Ar gyfer ei drydedd daith roedd am fynd â 2,000 o gopïau y llyfr sy'n cynnwys Saesneg ac Almaeneg ar gyfer y cyflwyniad a Duala (iaith Camerŵn) drwyddi draw. Mae'n bosib taw llyfr emynau cyntaf a gyheoddwyd mewn iaith frodorol Affricanaidd ydy hwn. Er na deithiodd Hughes oherwydd y Rhyfel Byd Cyntaf, mae'n amlwg bod y llyfrau emynau wedi'u hanfon a'u dosbarthu. Mae’r gerddoriaeth mewn nodiant Sol-Fa, yn dangos dylanwad a chysylltiad anghydffurfiol Cymreig. Mae'r set o sganiau yn dangos y rhagymadrodd tairieithog a dewis o emynau, un â theitl Affricanaidd a dau yn gysylltiedig ag emynau Cymraeg adnabyddus.
+++
Casglwyd y delweddau fel ran o weithdy cymunedol gan Prosiect Amrywedd y Bywgraffiadur Cymreig yng Nghanolfan Diwylliant Conwy ar 2 Mai 2024.