Anfonwyd y lluniau hyn atom gan Sue Goddard, a ddywedodd:

Dyma luniau o fy hen hen fodryb, Margaret Ann Trace (a adnabyddid fel Maggie Ann).

Ganed Maggie Ann ar y 30ain o Fedi, 1886, yn 30 Stryd Fawr, Tredegar, Mon. Roedd hi a'i theulu yn siarad Cymraeg a Saesneg.

Yn ôl cyfrifiad 1891, roedd Margaret Ann yn pedair oed ac yn byw gyda'i dau frawd, John a Thomas, a'i rhieni, William a Caroline (née Minton). Roedd lletywr o'r enw William S Jones, o Ferthyr Tudful, a'i alwedigaeth oedd yn delynor, hefyd yn byw gyda nhw.

Aeth Maggie Ann ymlaen i ddysgu chwarae'r delyn deires a bu'n chwarae o flaen Brenin Edward VII. Dyma luniau ohoni yn y cyngerdd hwnnw. Rhoddwyd ei ffrog a'i thelyn i Sain Ffagan: Amgueddfa Werin Cymru ar ôl ei marwolaeth, lle maent yn parhau i'w harddangos.

Roedd hi'n athrawes yn Ysgol Gynradd Stryd Earl, Tredegar, ac ni briododd gan ei bod hi'n caru ei gwaith. Yn y dyddiau hynny, nid oeddech yn cael parhau i addysgu os priodasoch.

Bu farw Maggie Ann ar y 25ain o Dachwedd, 1966, yn 80 oed, yn 8 Stryd Earl , y cartref lle bu'n byw am y rhan fwyaf o'i hoes.