Erbyn diwedd y bedwaredd ganrif ar bymtheg roedd gan ardal Llandeilo cyfran dda o leoliadau perfformio, megis y capeli, y Neuadd Ddinesig, Neuadd y Farchnad ac Eglwys Sant Teilo. Roedd gan y rhain galendrau llawn o gyngherddau, digwyddiadau codi arian, ac eisteddfodau, a oedd yn denu cynulleidfaoedd o bell ac agos. Ar un adeg, cynhaliwyd sawl eisteddfod o gwmpas y dref bob blwyddyn, megis Eisteddfod y Plant, y 'Semi-National Eisteddfod' ac eisteddfodau'r capeli, fel yr enghraifft yma yn Ffairfach.