Erbyn diwedd y bedwaredd ganrif ar bymtheg roedd gan Landeilo cyfran dda o leoliadau perfformio, megis y capeli, y Neuadd Ddinesig, Neuadd y Farchnad ac Eglwys Sant Teilo. Roedd gan y rhain galendrau llawn o gyngherddau, digwyddiadau codi arian, ac eisteddfodau, a oedd yn denu cynulleidfaoedd o bell ac agos. Dyma raglen opera doniol "Merrie England" a gynhaliwyd yn Neuadd y Farchnad Llandeilo ar 6, 7, a 8 Mai 1930. Llywydd y digwyddiad oedd Arglwydd Dinefwr. Aeth yr elw tuag at elusennau lleol. Roedd y cynhyrchiad yn cynnwys cast mawr o unigolion a chorws, cyfeiliant piano a cherddorfa bychan.