Erbyn diwedd y bedwaredd ganrif ar bymtheg roedd gan Landeilo cyfran dda o leoliadau perfformio, megis y capeli, y Neuadd Ddinesig, Neuadd y Farchnad ac Eglwys Sant Teilo. Roedd gan y rhain galendrau llawn o gyngherddau, digwyddiadau codi arian, ac eisteddfodau, a oedd yn denu cynulleidfaoedd o bell ac agos. Dyma raglen Cyngerdd Cysegredig yn Neuadd y Farchnad Llandilo / Llandeilo ar ddydd Sul 19 Gorffennaf 1931. Y Cyfeilyddion oedd Miss Nancy Jones LRAM, Llandeilo, a Mr R. J. Evans Aberayron / Aberaeron; y Cadeirydd oedd y Cyng. H. W. Griffiths, Gwili Hotel, Llandeilo.