Erbyn diwedd y bedwaredd ganrif ar bymtheg roedd gan Landeilo cyfran dda o leoliadau perfformio, megis y capeli, y Neuadd Ddinesig, Neuadd y Farchnad ac Eglwys Sant Teilo. Roedd gan y rhain galendrau llawn o gyngherddau, digwyddiadau codi arian, ac eisteddfodau, a oedd yn denu cynulleidfaoedd o bell ac agos. Dyma raglen Cyngerdd Mawreddog a Datganiad, Capel Salem C.M. yn Llandilo / Llandeilo ar ddydd Mawrth, 19 Mawrth 1929. Cadeirydd y digwyddiad oedd y Cyng J. R. Evans, Llandeilo; a’r Organydd oedd Miss Nancy Jones LRAM.