Erbyn diwedd y bedwaredd ganrif ar bymtheg roedd gan Landeilo cyfran dda o leoliadau perfformio, megis y capeli, y Neuadd Ddinesig, Neuadd y Farchnad ac Eglwys Sant Teilo. Roedd gan y rhain galendrau llawn o gyngherddau, digwyddiadau codi arian, ac eisteddfodau, a oedd yn denu cynulleidfaoedd o bell ac agos. Dyma raglen Cyngerdd Cysegredig yn y Drill Hall (Neuadd Ddinesig), Llandilo / Llandeilo nos Sul, 5 Awst 1928 am 8 o’r gloch yr hwyr, gyda’r elw at Côr Unedig Llandilo. Arweinydd y noson oedd Mr David Hughes; y Pianydd oedd Mr R. J. Evans; a’r Llywydd oedd y Cyrnol W. N. Jones AS.