Erbyn diwedd y bedwaredd ganrif ar bymtheg roedd gan Landeilo cyfran dda o leoliadau perfformio, megis y capeli, y Neuadd Ddinesig, Neuadd y Farchnad ac Eglwys Sant Teilo. Roedd gan y rhain galendrau llawn o gyngherddau, digwyddiadau codi arian, ac eisteddfodau, a oedd yn denu cynulleidfaoedd o bell ac agos. Dyma raglen Cyngerdd Amrywiol a Cantata Crefyddol ‘Daniel’ (gan gynnwys geiriau’r cantata) yn Capel C.M. Salem Llandilo / Llandeilo ar ddydd Llun 26 Rhagfyr 1927. Arweinydd y digwyddiad oedd Alcwyn Jones ATSC, Llandeilo; yr organyddes oedd Miss Nancy Jones LRAM, Llandeilo, a’r Llywydd oedd Hen. L. N. Powell YH.