Erbyn diwedd y bedwaredd ganrif ar bymtheg roedd gan Landeilo cyfran dda o leoliadau perfformio, megis y capeli, y Neuadd Ddinesig, Neuadd y Farchnad ac Eglwys Sant Teilo. Roedd gan y rhain galendrau llawn o gyngherddau, digwyddiadau codi arian, ac eisteddfodau, a oedd yn denu cynulleidfaoedd o bell ac agos. Dyma rhaglen Opera ‘Carmen’ (perfformiad cyngerdd) ac eitemau amrywiol gan ‘Cymdeithas Gorawl Llandilo’ yn y Drill Hall, Llandeilo ar 27 a 28 Ebrill 1927. Llywyddion y cyngherddau oedd Is-Gyrnol W. N. Jones YH, Rhydaman, ac Is-Gyrnol Lloyd-Harries, Llwyndewi. Ymhlith yr artistiaid oedd unawdwyr, corws a cherddorfa fychan. Arweinydd y cyngherddau oedd P. Reynolds Daniel a’r cyfeilydd oedd Miss Nancy Jones.