Erbyn diwedd y bedwaredd ganrif ar bymtheg roedd gan Landeilo cyfran dda o leoliadau perfformio, megis y capeli, y Neuadd Ddinesig, Neuadd y Farchnad ac Eglwys Sant Teilo. Roedd gan y rhain galendrau llawn o gyngherddau, digwyddiadau codi arian, ac eisteddfodau, a oedd yn denu cynulleidfaoedd o bell ac agos. Dyma raglen Cyngherddau Mawreddog gan Gymdeithas Gorawl Unedig Llandilo yn y Drill Hall (Neuadd Ddinesg / Neuadd Fictoria), Llandeilo ar ddydd Mercher ac Iau 22 a 23 Gorffennaf 1925. Arweinydd y digwyddiad oedd P. R. Daniel. Ymhlith yr artistiaid oedd y Soprano Madam Jeanette Christine, gynt o Gwmni Opera Chicago; y Tenor David Owen Jones, Unawdydd Cymro Americanaidd; ac eitemau gan y côr ei hunain. Y cyfeilyddion oedd Miss Nancy Jones LRAM; a Haydn Jones Mus. Bac, Penygroes. Cadeirydd y noson gyntaf oedd y Capt H. E. E. Philipps, Tregeyb; a’r ail noson oedd yr Is-gyrnol W. N. Jones, Rhydaman.