Erbyn diwedd y bedwaredd ganrif ar bymtheg roedd gan Landeilo cyfran dda o leoliadau perfformio, megis y capeli, y Neuadd Ddinesig, Neuadd y Farchnad ac Eglwys Sant Teilo. Roedd gan y rhain galendrau llawn o gyngherddau, digwyddiadau codi arian, ac eisteddfodau, a oedd yn denu cynulleidfaoedd o bell ac agos. Dyma rhaglen Cyngerdd / Drama Un Act gan y Young Helpers’ League, mewn cyswllt â Cartrefi Dr. Barnardo’s yn ‘Llandilo Habitation’, a gynhaliwyd ar ddydd Iau, 13 Tachwedd 1913. Llywydd y digwyddiad oedd Mrs Gwyn-Hughes / Gwynne-Hughes, Tregib / Tregeyb.