Erbyn diwedd y bedwaredd ganrif ar bymtheg roedd gan Landeilo cyfran dda o leoliadau perfformio, megis y capeli, y Neuadd Ddinesig, Neuadd y Farchnad ac Eglwys Sant Teilo. Roedd gan y rhain galendrau llawn o gyngherddau, digwyddiadau codi arian, ac eisteddfodau, a oedd yn denu cynulleidfaoedd o bell ac agos. Dyma raglen Cyngerdd Mawreddog dan nawdd Capel Salem M. C. yn y Drill Hall, Llandeilo ar noson Nadolig, 25 Rhagfyr 1926. Roedd unawdwyr adnabyddus ymhlith y cantorion yn ogystal a feiolynydd. Cyfeilydd y digwyddiad oedd Miss Nancy Jones LRAM LTCL. Y Cadeirydd oedd Y Cyng. T. M. Williams YH. Elw’r digwyddiad er budd Cronfa’r Eglwys.