Roedd y Capten John Macgregor Skinner yn adnabyddus am weithredoedd o ddyngarwch ac roedd yn cadw lwfans wythnosol o fara i fwy na chant o bobl leol. Bu hefyd yn ymgyrchu’n ddiflino i wella gwasanaethau morwrol a phost o Gaergybi, ac i wneud y daith ar draws Môr Iwerddon yn fwy diogel, yn haws, ac yn fwy cyfforddus. Yn 1832, daeth adroddiad i'r canlyniad fod Capten Skinner wedi marw ar y môr oherwydd esgeulustod y Swyddfa'r Post, a oedd wedi bod yn amharod i wneud unrhyw un o'r gwelliannau a argymhellwyd. Roedd yn 70 oed pan gafodd ei olchi dros fwrdd y llong bost ager ‘Escape’. Roedd wedi gwasanaethu'r cyhoedd drwy gydol ei fywyd fel oedolyn. Mae'r paentiad olew hwn yn darlunio Capten Skinner a thrigolion arwyddocaol eraill Caergybi o ddechrau'r 19eg ganrif. Cafodd ei beintio gan ei ffrind a'i fentor, James Sparrow.