Gwelwyd newidiadau sylweddol yn digwydd yng Nghaergybi yng nghanol y bedwaredd ganrif ar bymtheg wrth i’r porthladd a’r traffig iddo dyfu, gan ddenu pobl newydd i symud i’r dref.

Bu Gareth Huws yn sôn wrth Borthladdoedd, Ddoe a Heddiw, am y newidiadau arwyddocaol i dref Caergybi ar ffurf ei hadeiladau a’i seilwaith, ond hefyd, gyda dyfodiad gweithwyr newydd o ardaloedd mwy gwledig Ynys Môn a’u gwahanol ffyrdd o fyw.