Roedd y ffotograffydd J. F. Lloyd yn ddyn teulu mawr. Roedd wrth ei fodd yn tynnu lluniau aelodau'r teulu ac mae'r portreadau hyn yn delynegol ac yn gynnes eu naws. Gellid cymharu'r olygfa fewnol hon gyda Mrs. Lloyd yn y parlwr cefn â phaentiadau o olygfeydd tebyg gan Bonnard neu Sickert. Pan fu farw J. F. Lloyd ym 1937, aeth ei weddw ati i gau ei stiwdio yn yr atig, gan ddiogelu ei blatiau ffotograffig.