Roedd John Francis Lloyd yn glerc yn ôl ei alwedigaeth. Cafodd ei benodi yn Brif Glerc yng Nghofrestrfa Profebion Caerfyrddin. Roedd yn ffotograffydd amatur talentog a defnyddiai stiwdio ar waelod ei ardd yn rhif 19 Picton Terrace, Caerfyrddin. Chwaraeodd J. F. Lloyd ran flaenllaw ym mywyd cymdeithasol a diwylliannol y dref. Roedd yn aelod o'r pwyllgor Celf a Chrefft pan gynhaliwyd yr Eisteddfod Genedlaethol yng Nghaerfyrddin ym 1911, ac roedd yn galigraffydd ac adroddwr. Mae ei dalentau fel ffotograffydd wedi derbyn cydnabyddiaeth haeddiannol yn ystod y blynyddoedd diwethaf. Mae'r hunan-bortread hwn yn dangos dyn hapus, bodlon ei fyd, a oedd yn hefyd yn dechnegydd ac artist cyflawn.