Ganed Mark Hughes yn Wrecsam a chwaraeodd ei gêm gyntaf dros Fanceinion Unedig ym mis Tachwedd 1983. Enillodd fedal Cwpan yr FA gyda'r clwb ym 1985 a dyfarnwyd gwobr Chwaraewr Ifanc y Flwyddyn iddo yn ystod yr un tymor gan y Gymdeithas Bêl-droed Broffesiynol.
Sefydlodd Hughes ei hun fel chwaraewyr rhyngwladol dros Gymru ac enillodd 72 o gapiau dros ei wlad. Wedi treulio blwyddyn yn gapten ar ei wlad, trosglwyddwyd cyfrifoldebau'r hyfforddwr iddo wedi ymadawiad Bobby Gould.