Ar un adeg, roedd caffis Eidalaidd yn gymaint o ran o ddiwylliant de Cymru ag oedd clybiau rygbi, capeli a phyllau glo. Roedd dros 300 o gaffis Eidalaidd yn gwasanaethu’r cymoedd, ond dim ond llond llaw o'r rhai gwreiddiol sydd ar ôl heddiw. Fel rhan o brosiect ffotograffiaeth, bu Huw Meredydd Roberts yn tynnu lluniau o rhai o’r caffis sydd dal ar agor. Dyma gyfle i weld detholiad o’r lluniau, clywed y straeon tu ôl iddyn nhw ac i hel atgofion am eich hoff gaffis Eidalaidd.