Yn ystod y Rhyfel Byd Cyntaf, cynyddodd y nifer o forwyr o dramor wrth i ddynion o Brydain gael eu galw i fynd i ymladd; cafodd nifer o forwyr o Affrica ac India'r Gorllewin, a hefyd morwyr Arabaidd ac Asiaidd eu cyflogi i lenwi'r swyddi hynny.
Roedd 319 o forwyr o dramor a gollodd eu bywydau yn dilyn ymosodiadau gan longau-U yn ystod y Rhyfel Byd Cyntaf yn lletya yn ardal Tre-biwt a Bae Teigr. Gweithiai dros ddwy draean ohonynt yn ystafell yr injan. Mae'r siart hwn yn dangos o ble roedd y morwyr yn dod yn wreiddiol, ac ym mha ran o'r llong roedden nhw'n gweithio.