Roedd Corwen yn dref farchnad brysur ac roedd y Sgwâr yn chwarae rhan bwysig wrth i fusnesau geisio gwerthu eu nwyddau. Coetsiws oedd yn y gornel rhwng tafarn yr Harp ac Adeilad NatWest, gan gynnig stablau i’r masnachwyr wrth iddynt deithio o Gaergybi i Lundain ar hyd yr A5. Fel rheol, gellir dyddio ffotograffau o'r Sgwâr yn seiliedig ar sut olwg sydd ar adeilad “NatWest” neu o’r math o geir oedd ar y stryd.

Cafodd y ffotograff ar gyfer y cerdyn post hwn ei dynnu tua 1925/26. Roedd hyn cyn i fanc y NatWest ychwanegu arwyneb ‘pren’, a chyn i'r llefydd parcio ceir gael eu rhoi o flaen y siopau.

Eitemau eraill o bwys yn seiliedig ar luniau agos:

Y porth ar Westy Owain Glyndŵr

Mae'r goleuadau nwy yn fras lle saif cerflun Owain Glyndŵr heddiw.

Adeilad presennol Banc “Natwest” (Holiday Let). Mae'r arwydd uwchben y drws yn edrych fel ei fod yn dweud “Posting something” – efallai y gallwn ddod o hyd i rywbeth cliriach?

Os edrychwch rhwng adeiladau'r Midland a Natwest, gallwch graffu i weld Gwesty a Garej y Goron, a oedd yn eiddo i'r teulu Plack ac yn cael ei redeg fel busnes teuluol.

Mae cerdyn post yn rhan o Gyfres Sepiatone 51410. Fe’i cyhoeddwyd gan The Photochrom Co Ltd London and Tunbridge Wells.