Priododd Huw Pugh ac Elizabeth Jones ar 25 Mai, 1886, yn y Frongoch, tŷ'r Bnr Davyd Williams, a gweinyddwyd y seremoni gan y Parch. W.C. Rhys. Ar ddiwrnod y briodas roedd Huw Pugh yn 65 mlwydd oed ac Elizabeth yn 37 mlwydd oed. Y tystion oedd Thomas Morgan a Rhys Thomas. Saer o Flaenau Ffestiniog oedd Huw Pugh, ac yn ddiweddarach roedd yn berchennog gwesty yn Gaiman. Bu farw ei wraig gyntaf ym Mlaenau Ffestiniog ac ymfudodd ef a'i blant i gyd, heblaw Ellen, i Batagonia ym 1881.