Ganed Dafydd Rhys Jones ar 10 Mehefin 1877 ym Maes Comet, Drofa Dulog, Patagonia, yn un o ddeg o blant. Roedd ei dad yn hanu o Flaen-porth ac roedd yn aelod o'r fintai gyntaf a deithiodd i Batagonia ym 1865. Derbyniodd Dafydd Rhys Jones ei addysg fore yn ysgol a gedwid gan Richard Berwyn Jones ac wedi hynny fe'i anfonwyd, yn 15 oed, i gael addysg yng Nghymru. Mynychodd Ysgol Fwrdd Aberteifi, Ysgol Ardwyn, Aberystwyth ac Ysgol Ramadeg Castell Newydd Emlyn. Yna treuliodd amser yng ngholeg Aberystwyth yn astudio ar gyfer ei dystysgrif athro.

Ar ôl cyfnod o ddysgu yng Nghymru cafodd ei benodi'n brifathro Ysgol y Gaiman. Ar ôl 8 mlynedd lwyddiannus yn dysgu yn yr ysgol honno, dychwelodd yn ôl i Gymru. Arhosodd yng Nghymru am weddill ei oes a bu farw ar 9 Ionawr 1946 yn 68 mlwydd oed. Mae wedi ei gladdu ym mynwent Ysbyty Ystwyth.