Llythyr oddi wrth D. S. Davies, Efrog Newydd, at y Parch. Michael D. Jones, 12 Chwefror 1874. Mae ar fin gadael am Batagonia gyda nifer o ymfudwyr eraill o'r Unol Daleithiau ar y llong 'Electric Spark'. Yn ystod y fordaith, fodd bynnag, cafodd y llong ei dryllio ger arfordir Brasil. Collwyd y llwyth o offer amaethyddol gwerthfawr ond llwyddodd y teithwyr i gyrraedd Buenos Aires, lle cawsant loches am gyfnod yng 'Nghartref yr Ymfudwyr', cyn cael eu cludo fesul dipyn ar y llong 'Irene' i Batagonia.