Hysbysiad ar arwydd Ysgol Gyfun Gymunedol Penweddig yn nodi ei bod ar gau. Caewyd ysgolion Cymru ar 23 Mawrth 2020 er mwyn diogelu plant ac athrawon ac atal lledaeniad y coronafeirws. Arhosodd rhai ysgolion 'hwb' ar agor i blant gweithwyr allweddol yn unig.

Cafodd Ysgol Penweddig ei thrawsnewid yn ysbyty dros dro, gyda chyflenwadau yn cael eu dosbarthu'n gyson yno. Yn ffodus iawn, ni fu'n rhaid agor y safle i gleifion.

Hon oedd blwyddyn olaf fy merch yn yr ysgol, ac ni fu'n bosib iddi hi na'i chyfoedion sefyll arholiadau Lefel A oherwydd amgylchiadau heriol y pandemig. Cyhoeddwyd ym mis Mehefin y gallai ysgolion yng Nghymru agor i ddisgyblion, cyn belled ag y bo ymbellau cymdeithasol yn cael eu parchu, ond cadarnhawyd na fyddai unrhyw blant yn dychwelyd i adeilad Ysgol Penweddig ar Ffordd Llanbadarn nes tymor yr hydref.