Roedd Christmas Evans (1766-1838) yn weinidog Anghydffurfiol, a anwyd ger Llandysul yng Ngheredigion. Yn ei ieuenctid, wrth weithio fel llafurwr cynhaeaf yn Swydd Henffordd, ymosododd giang arno a chollodd lygad yn y ffrwgwd. Roedd ei anffurfiad, ynghyd â’i faint - honnir iddo sefyll saith troedfedd o daldra - yn rhoi presenoldeb aruthrol iddo.

Yn 1789 symudodd i ogledd Cymru, gan ymgartrefu yn Llangefni lle'r adeiladodd gymuned Bedyddwyr gref. Yn 1838, wrth deithio o amgylch de Cymru, aeth y pregethwr pwerus a llwyddiannus yn sâl a bu farw yn Abertawe. Claddwyd ef ym mynwent Capel Bethesda yn y ddinas.

Yma, mae'n cael ei ddangos yn gwisgo siaced ddu a llodrau ac yn pwyso yn erbyn piler gyda llyfrau.