Grŵp o hen ymsefydlwyr yn sefyll ger 'yr amddiffynfa', yng Nghaer Antur, ger Rawson, Chubut, 28 Gorffennaf 1890. Tynnwyd y llun yn ystod dathliadau 'Gŵyl y Glaniad': ar 28 Gorffennaf 1865 y glaniodd y fintai gyntaf o ymsefydlwyr Cymreig ym Mhatagonia. Dyma'r fan lle'r ymsefydlodd y Cymry yn fuan wedi cyrraedd dyffryn Camwy ym 1865. Ym mlaen y ffotograff gwelir un o'r hen droliau gwreiddiol a gafodd ei gwneud gan Hugh Hughes (Cadfan Gwynedd) o goed hen long a ddrylliwyd yn aber Afon Camwy (Chubut).

Tynnwyd y ffotograff gan John Murray Thomas (1847-1924).