Mae Llwyd ap Iwan yn ysgrifennu o Junin, Buenos Aires, lle mae'n aros gyda'i frawd, Mihangel, am gyfnod byr cyn dychwelyd i Chubut. Mae'n gobeithio bod ei rieni yn cael nerth i gario ymlaen yn dilyn marwolaeth eu merch, Mair. Fe hoffai petai'n gallu dychwelyd adref er mwyn eu cysuro a'u cynorthwyo. Bydd yn aros yn Junin am ryw wythnos arall cyn dychwelyd i Chubut o gwmpas 20 Gorffennaf. Dywed ei fod eisoes wedi derbyn llythyrau cydymdeimlad o'r Wladfa.