Mae Llwyd ap Iwan yn cychwyn y llythyr hwn at ei deulu trwy nodi nad ydynt wedi bod mewn cysylltiad ers amser. Yn ddiweddar, derbyniodd gopi o fywgraffiad E. Pan Jones o'i dad, ynghyd â llun o fedd ei dad. Nid yw wedi ysgrifennu i ddiolch i E. Pan Jones eto, gan ei fod wedi digio ato braidd am gyhoeddi'r gyfrol 'mewn gwisg mor wael'. Fe hoffai wybod beth yw'r farn gyffredinol am y gyfrol. Gwelodd nodyn gan O. M. Edwards nad oedd yn ganmoliaethus iawn.

Derbyniodd air gan ei frawd, Mihangel yn ddiweddar. Roedd yntau a'i wraig wedi bod yn bur wael. Dywed eu bod wedi cael gaeaf caled yn yr Andes, ond nid oedd ddim gwaeth na'r gaeafau arferol yn nyffryn Camwy. Gofynna i Rhys anfon plu pysgota ato, y math a ddefnyddir ar gyfer dal brithyll, yn ogystal â 'casting line' a 'line bysgota'.