Mae Lewis Jones yn ysgrifennu at Michael D. Jones i roi gwybod iddo ei fod wedi cyrraedd Llundain y diwrnod blaenorol 'ar dipyn o vusnesion Gwladvaol'. Mae'n gobeithio teithio i Gymru ymhen wythnos neu ddeng diwrnod gan anelu am Landrindod, ond bydd yn aros gyda Michael D. Jones a'r teulu yn y Bala ar y ffordd er mwyn iddynt gael gweld ei lyfr newydd ar hanes y Wladfa. Dywed iddo weld Llwyd ap Iwan yn Buenos Aires a'i fod ar fin dychwelyd i'r Wladfa. Mae eu mab arall, Mihangel, yn gweithio yn Junin.