Mae Hugh Hughes (Cadfan Gwynedd) yn ysgrifennu at Michael D. Jones i ddiolch iddo am ei lythyr diweddar, yr hwn a ddarllenwyd gerbron yr holl ymfudwyr o Gymru ac Unol Daleithiau America. Fodd bynnag, nid oedd yn deall beth yn union yr oedd yn ei olygu pan ddywedodd y dylai'r ymfudwyr fynnu trefn 'ar bwngc y tir yn ddioed'. Roedd Cadfan Gwynedd yn tybio ei fod yn cyfeirio at y cynllun tir a oedd wedi ei gynnig gan y Parch. D. Lloyd Jones. Yn ei farn ef, ni fyddai unrhyw ddyfodol o gwbl i'r Wladfa pe bai'r cynllun hwn yn cael ei fabwysiadu.