Mae Lewis Jones yn ysgrifennu at Llwyd ap Iwan i ddweud wrtho y dylai barhau â'i astudiaethau yn Berlin am y tro, gan nad oes angen iddo ddod i weithio ar gynllun y rheilffordd yn y Wladfa eto. Dywed fod y cynllun yn dod yn ei flaen yn dda. Mae hefyd yn nodi fod posibilrwydd y gallai rhyw 3 neu 5 llech o dir gael eu cyflwyno i'w dad, Michael D. Jones, fel cydnabyddiaeth am y colledion ariannol y mae wedi eu dioddef trwy ei waith gyda'r Wladfa. Ychwanega ei fod yn bosibl y gellid perswadio rhai o'r gwladfawyr i roi anifeiliaid ar y tir, fel rhyw fath o ad-daliad am yr arian sy'n ddyledus i Michael D. Jones. Awgryma y gallai Llwyd arolygu'r tir a'r anifeiliaid hyn ond mae'n cydnabod y byddai'n fwy ymarferol petai'n dod i'r Wladfa i weithio ar gynllun y rheilffordd newydd.