Mae David Lloyd Jones yn cychwyn y llythyr hwn trwy nodi ei fod wedi derbyn llythyr diwethaf Michael D. Jones. Mae'n credu bod Owen Edwards yn meithrin cenfigen o ryw fath. Meddyliodd lawer am Michael D. Jones dros yr wythnos flaenorol ac mae'n falch fod ei argyfwng drosodd. Dydd Iau yw'r adeg orau i gyfarfod yng Nghaer yn ei farn ef, a bwriada ymweld â Jones ar y cyfle cyntaf. Mae ei wraig wedi gwella yn lled dda ac maent wedi cyflogi morwyn.