Yn Ionawr 1866 penodwyd y Parch. D. Lloyd Jones yn Ysgrifennydd Teithiol i Gwmni Ymfudol a Masnachol y Wladfa Gymreig, a daliodd y swydd honno am ddwy flynedd. Ym 1874 teithiodd i Batagonia i wasanaethu fel cenhadwr ymhlith y bobl frodorol. Mae'n ysgrifennu at Michael D. Jones gan amgáu llythyr a dderbyniodd o'r Wladfa yn adrodd hanes glaniad y fintai gyntaf. Mae'n awgrymu y dylid cyhoeddi'r llythyr hwn. Mae hefyd yn cynnwys manylion ynghylch 'Cymdeithas Echwynol y Wladfa', cymdeithas a sefydlwyd i fenthyg arian i'r ymfudwyr. Mae rheolau'r gymdeithas wedi eu nodi yn y llythyr.