Fideo o ganu 'Moliannwn' yn festri Capel y Drindod, Pwllheli, 7 Tachwedd 2019. Cymanfa 'codi'r to' - Cronfa William Salesbury yn dathlu pen blwydd Marêd (Meredydd Evans) yn 100.

Fideo 360-gradd yw hwn, sy’n golygu ei fod yn caniatáu i chi ryngweithio â’r cynnwys a’i brofi, yn lle dim ond eistedd yn ôl a gwylio. Mae’n cynnig golwg ymgollol i bob cyfeiriad sy’n gadael i chi ddewis ble i edrych. Cafodd ei greu’n benodol i’w ddefnyddio yn y sector iechyd a lles.

Os byddwch yn ei wylio ar gyfrifiadur neu liniadur, gallwch glicio a llusgo â llygoden neu glicio’r saethau yng nghornel chwith uchaf y sgrin ar ôl i’r fideo ddechrau chwarae. Ar ddyfais symudol, gallwch lusgo’ch bys ar draws y sgrin neu ei symud o gwmpas i wahanol gyfeiriadau. (Er nad oes angen ategolyn gwylio i weld fideos 360-gradd, gallwch eu gwylio ag ategolyn fel Google cardboard.)