Llythyr oddi wrth William ap Rees, Efrog Newydd, at N. L. Jehu, 11 Mehefin 1874. Cyfeirir at ddiflaniad y Parch. D. S. Davies pan suddodd y sgwner "Electric Spark" ger arfordir Brasil.

Chwaraeodd David Stephen Davies (1841-98) ran flaenllaw yn y gwaith o hybu'r mudiad gwladfaol ymhlith Cymry America. Yn 1874 penderfynodd ymweld â'r Wladfa ynghyd a mintai fechan o ymfudwyr ar fwrdd yr Electric Spark. Yn ystod y fordaith, fodd bynnag, cafodd y llong ei dryllio ger arfordir Brasil. Collwyd y llwyth o offer amaethyddol gwerthfawr ond llwyddodd y teithwyr i gyrraedd Buenos Aires, lle cawsant loches am gyfnod yng 'Nghartref yr Ymfudwyr', cyn cael eu cludo fesul dipyn ar y llong 'Irene' i Batagonia.