Cafodd y tudalennau canlynol eu dethol o Lyfr Casgliadau Chwarelwyr y Penrhyn at gronfa Coleg Prifysgol Gogledd Cymru, Bangor, 1885-6. Er bod nifer o'r chwarelwyr a'u teuluoedd yn wynebu problemau ariannol difrifol, fe wnaethant ymateb yn wych i'r apêl am gymorth i sefydlu'r coleg ym Mangor. Yn Chwarel y Penrhyn, sefydlwyd pwyllgor arbennig ym mhob ponc er mwyn casglu cyfraniadau misol. Mae'r tudalennau canlynol yn dangos manylion y taliadau a wnaed gan swyddogion y chwarel a chwarelwyr ponciau'r 'Lord' a 'Sebastopol'.