Braslun o gapel Rehoboth Corris. Priodwyd hen nain a hen daid Julia Gunn, Tobert Owen a Mary Jane Thomas yng nghapel Rehoboth yn 1897. Ym mis Medi 1922, yn dilyn cyfnod o law trwm, fe lithrodd dŵr a chreigiau ar raddfa fawr i lawr y mynydd y tu ôl i gapel Rehoboth. Cafodd y wal ei bwrw i lawr y tu mewn i'r capel ac fe lanwyd ef gyda mwd, creigiau a dŵr. Yn ffodus ni chafodd unrhywun ei anafu gan fod plant y pentref yn ddiogel y tu mewn i'r ysgol. Cafodd y capel ei ddymchwel yn ddiweddarach.