Yn ystod cyrchoedd awyr yr Ail Ryfel Byd, gollyngwyd rhai ffrwydron ar barasiwtiau. Roedd hyn yn arafu'r bomiau gan eu hatal rhag cael eu claddu'n rhy ddwfn yn y ddaear - nid yw bom sydd wedi ei gladdu'n rhy ddwfn mor effeithiol. Mewn rhai ardaloedd defnyddiwyd ffaglau parasiwt ('chandelier flares') fel y gallai awyrennau weld eu targedau - disgynnodd y rhain yn araf ar barasiwt a ffrwydro tra oeddent yn yr awyr, gan oleuo'r tirwedd islaw.