Tŷ dryw a wnaed gan Richard Cobb, clochydd eglwys Marloes, Sir Benfro, ym 1869. Roedd hwn yn gopi o dŷ yr oedd wedi ei wneud chwe deg mlynedd yn gynt. Cyflwynwyd y tŷ dryw i'r Amgueddfa gan T. H. Thomas (Arlunydd Penygarn) ym 1898. Defnyddiwyd y tŷ dryw yn ystod dathliadau Noson Ystywyll mewn sawl rhan o Gymru. Byddai'n rhaid dal dryw a'i ladd, cyn gosod ei gorff yn y tŷ a addurnwyd gan rubanau. Yna, byddai'r tŷ yn cael ei gario o amgylch y pentref ar bedwar polyn, yn debyg i arch, gan bedwar dyn, pob un ohonynt yn esgus griddfan oherwydd y pwysau trwm yr oeddynt yn ei gario. Byddai'r dynion yn galw yn y tai lleol gan ganu penillion ar ffurf cwestiwn ac ateb, cyn derbyn gwahoddiad i dderbyn bwyd a diod yn y tŷ. Hyd 35 cm, uchder 23 cm.