Ar 1 Medi 1939 dechreuodd y 'blacowt' ym Mhrydain. Golygai hyn fod yn rhaid cuddio'r golau ym mhob ffenestr ym mhob adeilad cyn iddi dywyllu, er mwyn sicrhau nad oedd unrhyw olau i'w weld o'r tu allan. Pan ddechreuodd yr Almaenwyr fomio rhai o drefi a dinasoedd Prydain, roedd dilyn rheolau'r blacowt yn hollbwysig, oherwydd roedd yn llawer anoddach i awyrennau'r Almaenwyr ddod o hyd i'w targedau. Roedd caeadau arbennig, tebyg i'r un a welir yma, hefyd yn cael eu rhoi ar lampau ceir i guddio'r golau a byddai gyrrwyr yn derbyn dirwy drom pe na baent yn cydymffurfio â'r drefn.