Hysbyseb ar gyfer busnes W. & J. Bogod & Co, Ltd  oedd yn gwerthu rhannau i beirniannau gwnio. Cafodd yr hysbyseb ei atgynhyrchu o'r cyhoeddiad  'The Journal of Domestic Appliances Sewing and Washing Machines and Pram Gazette', 1 Ionawr 1930. Sefydlwyd y cwmni yn 1895 gan Joseph a William Bogod i gyflenwi'r diwydiant tecstiliau a oedd ar y pryd yn ffynnu yn y DG; yn ddiweddarach, fe wnaeth y cwmni arallgyfeirio i werthu peiriannu gwnio a chyfarpar ar gyfer y gegin.

Roedd teulu Bogod ymhlith sylfaenwyr Synagog  Diwygiedig Caerdydd a sefydlwyd yn 1948 fel Synagog Newydd Caerdydd. Y flwyddyn ganlynol, daeth yn aelod o'r Mudiad Dros Ddiwygio Iddewiaeth. Ffurfiwyd y mudiad hwn mewn ymateb i rai o draddodiadau mwy haearnaidd Iddewiaeth Uniongred Cynulliad Hebreaidd Caerdydd, megis gwahardd gyrru ar y Sabbath a gwahardd priodasau rhyng-grefyddol. Apeliai'r Synagog newydd at y mewnfudwyr oedd wedi dianc o Ewrop a sgil effeithiau rhyfel, lle roedd y mudiad Diwygio eisoes wedi hen sefydlu. Mae'r gynulleidfa yn addoli mewn Capel Methodistaidd a drawsnewyidwyd, ar Moria Terrace, adeilad a gafodd ei brynu ganddynt yn 1952.

Ffynonellau: Wales Online (https://www.walesonline.co.uk/business/business-news/bogod-seeks-to-exp…). 'The History of the Jewish Diaspora in Wales' by Cai Parry-Jones (http://e.bangor.ac.uk/4987); JCR-UK/JewishGen (https://www.jewishgen.org/jcr-uk/Community/card1/index.htm).

Storfa: Archifdy Morgannwg