Dyddiad: 11 Ebrill 1916

Trawsysgrif:

DYRCHAFIAD I GAPTEN O GAERNARFON

Da fydd gan drigolion Caernarfon ddeall am ddyrchafiad Capten William Owen (Glasfryn, Llanbeblig Road), brodor o'r dref, yr hwn sydd wedi bod yng ngwasanaeth Cwmni yr Elder Dempster am 26 mlynedd. Mae wedi ei benodi yn arolygydd (superintendent) y

[llun William Owen]
Cpt. W. OWEN.

cwmni yn Llundain. Mab ydyw Capten Owen i'r diweddar Gapten Robert Owen (s.s. Tolfaen) ac y mae yn adnabyddus iawn mewn cylchoedd morwrol. Aeth i'r mor gyda'i dad pan yn ieuanc, ac y mae ei yrfa fel morwr wedi bod yn hynod o lwyddianus. Y llong ddiweddaf yr oedd ef yn gapten arno ydoedd y Bengwela [sic], perthynol i'r cwmni. Yn ystod Rhyfel De Affrig yr oedd Capten Owen yn llywydd ar long gludai filwyr o'r wlad hon i Dde Affrig. Y mae yn aelod o Gyfrinfa Leol y Seiri Rhyddion.

Ffynhonnell:
'Dyrchafiad i gapten o Gaernarfon.' Yr Herald Cymraeg. 11 Ebr. 1916. 6.