HMS MOTAGUA ar ôl damwain ar y môr gydag ergydion dyfnder ar 19 Mawrth 1918. Mewn gwrthdrawiad â llong ddistryw UD MANLEY, ffrwydrodd yr ergydion ar fwrdd y MOTAGUA a lladdwyd 28 aelod o'r criw ac anafwyd 33 eraill. Lladdwyd neu anafwyd 34 o ddynion y MANLEY.
Mae’r ffotograff hwn yn un o albwm o ffotograffau a dynnwyd gan Norman Lloyd-Williams tra’n gwasanaethu ar HMS Mantua ym 1917. Daethpwyd â’r albwm i sylw’r Prosiect Llongau-U 1914-18 gan ei fab Walter Lloyd-Williams, Caergybi, a ganiataodd i ni ei rannu.