Nid yw John yn teimlo'n rhy dda ac mae wedi bod yn yr ysbyty, sy'n perthyn i'r gatrawd, ers wythnos er mwyn cael gwell gofal a gwell bwyd. Dywed ei fod yn bwyta fel mochyn yno.

Mae wedi derbyn llythyr oddi wrth T. E. Hughes, sydd yn yr ysbyty yn Memphis, Tenesee. Nid yw John yn derbyn fawr ddim o lythyrau ac mae'n teimlo'n hiraethus yn yr ysbyty gan fod dim ond dau ohonynt o'r cwmni yno. Mae'n sôn iddo weld un bachgen o gwmni 1 yn boddi yn yr afon
'gwelais o yn syrthio ond nid oudd genyf ddim i roi cynorthwy iddo ond edrach arno yn mynd i dragwyddoldeb'

Byddai John yn hoffi derbyn llythyr pob wythnos ac mae'n dweud ei fod wedi derbyn un llythyr tra yr oedd yn ysgrifennu yr un yma
'cododd y llythyr yma fy nghalon yn fwy na dim a welais ers bythefnos'.