Dywed John fod dryswch gyda'r post yn dilyn brwydr Fort Hind. Mae'n ofni fod nifer o'i lythyrau wedi cael eu rhwystro ar y ffordd.

Mae'n sôn fod nifer o'r milwyr wedi marw a dywed mai dim ond pump ar hugain o'i gwmni ef sy'n 'fit i duty'. Roedd cant o ddynion yn y cwmni yn wreiddiol a dim ond chwedeg pedwar sydd ar ôl.

Maent wedi bod yn bwyta bara meddal a digon o gig hallt ers wythnos. Maent yn cael cig eidion ffres unwaith yr wythnos yn ogystal â bacwn. Mae'n gofyn i'w rieni am anfon ei gyfarchion at ei 'hen gyfeillion'.