Cyflwynwyd John 'Warwick' Smith i Iarll Warwick yn gynnar yn ei yrfa ac yn sgil hynny anfonodd yr Iarll Smith i'r Eidal ym 1776 a'i noddi tra'r oedd yno am bum mlynedd. Yn ystod y cyfnod hwn teithiodd a brasluniodd Smith cryn dipyn gydag arlunwyr fel Francis Towne a Thomas Jones. Ar ôl iddo ddychwelyd i Brydain ym 1781 trodd y brasluniau a wnaeth tramor i ddarnau i'w harddangos a theithiodd yn aml yng Nghymru ac yn Ardal y Llynnoedd. Ym 1795, teithiodd Smith o amgylch Cymru am y nawfed tro. Ar y llun dyfrlliw hwn mae'r arysgrif: ''26 July 1795 View from the Peak of Snowdon, looking to the Northwards, over the island of Anglesea, and the Holyhead Mountain-and to the sea beyond.''

Testun gan: Yr Adran Gelf, Amgueddfeydda ac Orielau Cenedlaethol Cymru