Mae Llythyr Pab (Papal Bull) yn y bôn yn gyfathrebiad ysgrifenedig, wedi ei gyhoeddi gan Bab, fel arfer yn rhoi manylion am ganiatá braint, neu'n rhoi cyfarwyddiadau. Mae'n lythyr ffurfiol, wedi ei drosglwyddo'n agored, ac mae ei enw'n dod o'i sêl blwm, y 'bulla', ar y gwaelod i ddangos ei ddilysrwydd. Tan yr 11eg ganrif roedd Llythyron Pab wedi'u hysgrifennu ar bapyrws, felly nid oes llawer ohonynt wedi goroesi. Mae enghreifftiau diweddarach, ar femrwn, wedi parhau'n well.

Cafodd yr enghraifft hon ei gyhoeddi gan Bab Gregory XI ym 1373, i gefnogi Brodyr La Scarzuola. Cafodd Gregory XI ei eni'n Pierre Roger de Beaufort ym 1331, ac ef oedd y Pab olaf yn Avignon, gan ddychwelyd y Babaeth i Rufain ym 1305, er mwyn osgoi'r cweryla cyson rhwng y teuluoedd Rhufeinig cryf a oedd wedi creu llawer o Babau cynharach, ac a oedd yn gobeithio cynnal eu nerth. Y flwyddyn wedi iddo ddychwelyd i Rufain, bu farw Gregory XI, a tra bod olynydd yn cael ei ddewis yn Rhufain, gwnaeth grŵp o gardinaliaid yn Avignon eu dewis eu hunain, Clement VII. Felly dechreuodd y Sgism Fawr, a achosodd teimladau cryf yn erbyn y Babaeth, ac a ddatblygodd i mewn i Ddiwygiad Protestanaidd y 16eg ganrif.