Llun o Lanfair Caereinion ym 1802 ac, yn ei ganol, neuadd y farchnad. Roedd y neuaddau marchnad yn ganolbwynt ar un adeg i fywyd lleol, gyda marchnad dan do ar lefel y stryd ac ystafell gyfarfod uwchben. Ychydig iawn o'r neuaddau marchnad hynaf sydd wedi goroesi. Roeddynt fel arfer wedi eu lleoli yng nghanol y stryd fawr gan achosi problemau wrth i drafnidiaeth ceffyl ac yna foduron gynyddu. Mae un o'r ychydig neuaddau marchnad i oroesi i'w gweld heddiw yn nhref Llanidloes. Engrafiad o ddarlun gan G. Samuel cyhoeddwyd gan J. Walker o Lundain.