Golygfa o adfeilion Castell Dolforwyn, ger Aber-miwl yn sir Drefaldwyn. Engrafiad gan 'Sparrow' cyhoeddwyd ar Ebrill 24ain, 1786 gan S.Kooper.

Adeiladwyd Castell Dolforwyn rhwng 1273-77 gan Llywelyn ap Gruffudd (Llywelyn ein Llyw Olaf) ar safle strategol ar ffin eithaf ei diriogaeth, uwchlaw arglwyddiaeth Seisnig Trefaldwyn. Mae'r castell hirsgwar hwn yn sefyll ar grib ar hyd dyffryn Hafren, ac mae'n amlwg iddo gael ei gynllunio'n arbennig i gadw golwg ar ffin dde-ddwyreiniol tiriogaeth Llywelyn. Pan ddechreuwyd ar y gwaith adeiladu, ysgrifennodd y Brenin Edward I at Llywelyn ym 1273, yn ei wahardd rhag codi'r castell. Atebodd y tywysog gan nodi nad oedd angen gofyn am ganiatâd y brenin i godi cadarnle yn ei dywysogaeth ef ei hun. Ym 1277, fodd bynnag, cipiwyd Dolforwyn gan Roger Mortimer yn dilyn gwarchae a barhaodd am bythefnos. Rhoddwyd y castell yn nwylo'r teulu'r Mortimer, un o deuluoedd mwyaf pwerus y Fers. Er i'r castell gael ei gynnal a'i gadw am rai blynyddoedd, erbyn 1398 roedd yn adfail.

Ffynhonnell:
http://www.castlewales.com/dolforn.html